الجزء الثاني
بيت(عم خالد).........
ابو عبدالله:يبه عبدالله خلصت تجهيزات المزرعه للملكه
عبدالله(بدون نفس):ايه يبه
ابو عبدالله:شفيك تقولها بدون نفس
عبدالله:لاابد يبه بس تعبان من الشغل
ام عبدالله:خلاص يمه روح ارتاح يابو عبدالله خل الولد يرتاح من الصبح شغل
عبدالله:خلاص انا بروح عن اذنكم
ابو عبدالله:اذنك معك
وطلع عبدالله ...... ودخلت اخته بسمه....
بسمه:هااااااااااي
ابو عبدالله:شنو هاي قولي السلام عدل
ام عبدالله:خلاص يابو عبدالله البنت الحين ماقالت شي تعصب عليها
بسمه:الحين شقلت يبه تعصب علي
ابو عبدالله:سلامتك ماسويتي شي
ام عبدالله:خلاص يابو عبدالله نويتو وجهزتو المزرعه للملكه
ابو عبدالله:ايه وانا وعبدالله من الصبح نتكلم عن شنو
بسمه:اففف يعني رنا بتصير مرة اخوي وبتقعد هنا عندنا
ابو عبدالله:احترمي نفسك لاتكلمين عن بنت عمك كذا
ام عبدالله:البنت ماتحبها يابوعبدالله غصب تحبها
ابو عبدالله:وليه انشالله
ام عبدالله:الصراحه حتى انا مااطيقها
ابو عبدالله:اصلا كله من تحت راسك ولاليه بسمه تكره رنا ورنا جمال وادب واخلاق ويكفي انها بنت المرحوم سالم واخت خالد و ماتكرهها الامنك ومن سوالفك الشينه عنها
ام عبدالله:الحين انا صارت سوالفي شينه انا ماابيها لان كنت ابي بنت اختي مها لعبدالله
ابو عبدالله:صار الي صار والملكه يوم الخميس ومابغيرها شي وسكري هالموضوع
بسمه:بــــــس قاطعتها امها وغمزت لها انها تسكت وقالت:خلاص يابو عبدالله الي تشوفه احنا تحت امرك
ابو عبدالله:أي هذا الكلام السنع ويلا انا بروح ارتاح بداري
وطلع ابو عبالله.......
واول ماطلع تكلمت بسمه:ليه انهيتي الموضوع مو انتي تبين له مها
ام عبدالله:انا ماانهيته بس ابوك يضايقه هالموضوع ويعصب علينا بس اول ماتتم الملكه وبعدها الزواج وتدخل رنا هالبيت رح اخليها تندم
بسمه(بحماس):شلووون
ام عبدالله:كل شي بوقته حلووو
بسمه:ليه ماتقولين الحين
ام عبدالله:قلت سكري على الموضوع لين ماتدخل رنا هالبيت
بسمه:انشالله بس ليه ماتحبين يمه رنا
ام عبدالله(بحقد):مو بس رنا الاكل عايلتها بداية بامها لين خواتها حريقه تحرقهم
بسمه:بس ليه
ام عبدالله:مالك دخل بس لان مابي ازوج ولدي الوحيد لها وابيه لمها
بسمه شكت هالحقد كله مو معقول يكون بس لان ماتزوج مها اكيد في سر وسر كبييييير بعد
بسمه:بس خلاص ملكتهم الخميس وبتزوجها
ام عبدالله:بتزوجها بس مها بتكون له
بسمه:لاتكلمين بالالغاز
ام عبدالله(ابتسمت):لان قلتلك كل شي بوقته حلووو
وقعدت ام عبدالله تفكر بفكرة شينه تمحي رنا من حياتهم وحياة ولدها وترد لام خالد الصاع صاعين
اكيد تتسائلون سبب كره ام عبدالله لرنا او بالاصح لعايلتها كلها انا اقولكم لان اخت ام خالد مريم كانت صديقه لام عبدالله الي هي وضحه وكانت وضحه تكرها وتحقد عليها لانها احلى منها بمليووووون مررررة والكل يمدح جمالها واخلاقها والكل يشبه رنا لها طالعه عليها بكل شي وكانت وضحه تمثل دور الطيبه قدام مريم وتمثل انها تحبها وانها تبي مصلحتها ووضحه تحب ولد عمها وحاطه عينها عليه بس هو مايطيقها وتزوج مريم
فزاد كره وحقد وضحه عليها وواجهتها
وضحه:ليه تخونيني يامريم
مريم:انا شلووون
وضحه:ليه توافقين على عبدالرحمن ماتدرين اني احبه
مريم:لو كنت ادري كان ماوافقت عليه وخليته لك بس انتي ماقلتيلي
وضحه(بصراخ):كذاااابه انا اكرهك ولابيوم حبيتك احقد عليك من قلبي وبتندمين
وطلعت ولا عطت مجال مريم تتكلم بعد كذا تزوجت مريم عبدالرحمن وعرفت انه وضحه تكرها وكانت تمثل دور الصداقه معها وصارحها عبدالرحمن ان ماحب غيرها ولافكر بوضحه ابد ومن بعدها بفترة ماتت مريم وعبدالرحمن بحادث والكل حزن عليهم ماعدا وضحه الي كل يوم الحقد والكره يكبر بقلبها والكل حسب ان وضحه مرح تفكر تنتقم ونست بس الي مايدرون عنه ان وضحه كانت تفكر وتفكر دووم ولاعمرها بتنسى و قررت تنتقم من رنا لانها شبيهة مريم ولانها ماقدرت تنتقم من مريم لانها ماتت ولان رنا قريب بتصير بيتهم وبتقدر وضحه تاخذ حقها وبتخليهم يندمون وتخلي حسرة بقلب ام خالد على بنتها
اما بسمه زهقت من سكوت امها وافكارها الي مدري وين بتوصلها وطلعت غرفتها وقعدت تفكر وتقول ان امها مو معقول هالحقد بس لان عبدالله ماتزوج مها وقطع تفكيرها صوت الجوال وردت بسرعه
بسمه:يااااهلااااا وغلاااا
محمد:هلا فيك كل هالترحيب لي
بسمه:اكيييييد تستااااهل
محمد:اخبااارك يالحلوة
بسمه:منيحه
محمد:ههههههههه حلوة منيحه
بسمه:وانت
محمد:كووويس
بسمه:هههههه عجبتني خطيرة
محمد:اكثرلك منها
بسمه:هههههههههههه اقول خالي
محمد:تخلخلت عظامك
بسمه:بسم الله علي ليه
محمد:الحين توني عمري 25 بعز شبابي عمري من عمر اخوك تقولين لي خالي
بسمه:هههههههه طيب حموي
محمد:هههههههه الله يقطع شرك
بسمه:طيب شتبيني اقول
محمد:استاذ محمد
بسمه:نعم الصراحه ماخذ بنفسك مقلب ههههههههه
محمد:اصغر عيالك تكلميني كذا
بسمه:لااكبرهم لاتخاف
محمد:بسيييمه احترمي نفسك
بسمه:يمه شهالدلع كني عجوز
محمد:هههههههههههه حلووووووة
بسمه:عجبتك(وهي وتقلد صوته):اكثرلك منها
محمد:بسم الله على صوووتي
بسمه:ههههههههههههه طيب خالي امي تناديني توصي على شي
محمد:لاسلامتك وسلمي على الاهل
بسمه:اوكي سلام
محمد:مع السلامه
وسكرت بسمه وهي تقول اه ياخااااااالي اموووووت فيييك انت الوحيد الي تشيل الضيق عني خل اروح لامي لاتجي تتوطى ببطني هههههههههههههه
ورااااااااااااحت.................
بيت(خالد)...........
ام خالد:يمه ماودك تتزوج
خالد:يايمه هالموضوع مايئستي منه
ام خالد(دمعت عيونها):ياوليدي ابي اشوف عيالك
خالد:خلاص يمه اوعدك اذا تزوجن خواتي اخليك تخطبين لي البنت الي تبين
ام خالد:بس يمه العمر يركض وانا مااضمن عمري
خالد:لك طولة العمر يمه بسم الله عليك
ام خالد:يمه ولد عمك تزوج وهو اصغر منك
خالد:يمه انا قلتلك اذا تطمنت على خواتي مايصير خاطرك الاطيب اتزوج البنت الي تاشرين عليها
ام خالد(يئست):خلاص يمه الي تشوفه
خالد:خلاص روقي يالغاليه
ام خالد(ابتسمت):الي تشوفه انا مابي الاراحتك
خالد:ادري يمه
ودق جوال خالد وطلع صديقه فيصل.....
خالد:هلا
فيصل:هلا فيك شخبارك
خالد:تمام وانت
فيصل:بخير الحمدالله اقول يابو فيصل
خالد:هههههه بعد سميت ولدي فيصل
فيصل:أي انت ولدك لازم يكون فيصل
خالد:زين يابو خالد
فيصل:ههههههههههه تردها لي
خالد:أي افا عليك(ويقلد صوته):لازم يكون ولد اسمه خالد
فيصل:ههههههههههههه زين انت مداوم اليوم
خالد:اي بعدالعصر
فيصل:اها زين خلاص انا بطلع بعد العصر وانت خذ مكاني
خالد:وين انشالله
فيصل:اقول لاتسويلي مدير شرير على موظف برئ
خالد:ههههههههههههههههههه الله يرجك خلاص ماطلبت شي
فيصل:مشكوووور يابو الوليد
خالد:من هذا بعد تو ولدي فيصل
فيصل:لاهذا ولدك الثاني
خالد:هههههههههههههههه
فيصل:يالله تامر بشي
خالد:لاتسلم يلا سلام
فيصل: سلام
وسكر خالد وكمل سوالف مع امه ونزلو ريم وهديل وقاعدين يتخانقون على الدرج ومايدرون بخالد
هديل:وخري عني
ريم:لا وليه مو انتي
هديل:انتي الي جيتي قبل
ريم:لاصدق مادري اقول تراني اكبر منك يلا ولي
هديل:لاكلها سنه يلا بعدي
ريم(صرخت):يمه شوفيهااااااا
جاهم خالد:شتشوف
ريم:هاه لاا
هديل:من وين طلعت
خالد:من الصاله وشفيكم كنكم بزران مو كن انتي عمرك 19 والثانيه 18 كنكم 4 او 5 سنين
طاحت وجيهم لانها تهزيئه محترمه هههههههههه
ريم:اسفين
خالد(مسك نفسه لايضحك على اشكالهم المأساويه):خلاص بس مابي هالحركات مرة ثانيه وروحوا الصاله عند امي لان انا طالع
ريم وهديل:انشالله
ويوم راح خالد............
هديل:شفتي كله منك
ريم:لا وانتي
صارخ عليهم خالد:وبعديـــــــــــــــــــــــــن
راحوا اركضوا للصاله ضحك عليهم ورااااح........
(غرفة رنا)..............
رنا تكلم نفسها ياربي خايفه مابي اطلع من بيت اهلي وانا مو مرتاحه لهالزواج في شي بقلبي ينغزني كل ماجت سيرة هالزواج بس انا وافقت خلاص لا بس اقدر بكلمه ارفض وتتكنسل الملكه بس لا مايصير افشل عمي وارد ولد عمي شيقولون الناس بس ليه انا خايفه من هالزواج عبدالله ولد عمي واذا بسويلي شي اكيد عمي مرح يسكت وعبدالله مابسويلي شي لان انا بنت عمه خلاص كل شي تم ماينفع الكلام افففف ذبحتني الافكار مو قادرة اتخذ قرار خل انام احسن شي
وبعد الصراع بالافكار نامت..........
(غرفة عبدالله)........
ياربي الله يهداك يايبه شهالورطه انا مابي اتزوج ياعالم ياناس مابي اتزوج تو ماكونت نفسي ولا شي والبنت الي بتزوجها ابيها تكون من اختياري مو من اختيار ابوي او امي بس رنا ماعليها كلام بس ابي انا اختار افففففف
شلون انا اختار احسب نفسي بامريكا اناااا يووووووه ماينفع هالكلام الحين
كل شي تم مايفيد كلامي.......