03-22-2010, 09:32 PM
|
المشاركة رقم: 1 |
|
|
المنتدى :
بوابة الشعر
بكيل السلفي(خرافات)
اولاً السلام عليكم يااعضاء المنتدى ثانياً يشرفني أن احط قصائدي بهذا المنتدى المميز ثالثاً إليكم نص القصيدة على هامش فراق ابدا واسطورة هواء وجراح على هامش دموع الحب ودمع العين جفافي رسمت بلوحتي شخصاً ورسمت بيدة المصباح وضلمت ليلةً سوداء بغابه شرها جافي ورسمت الورده الحمرا ورسمت بجمبها اشباح ووادي يزرع الاشواك وكوخً ضاهر وخافي ورسمت كلاب مسعوره بشكل مفترس نباح وسماء حمرا وجبالاً سود وجواً بارد ودافي وانا برسم اجاني النوم وراسي عالورق طياح حلمت بيدي المصباح وضوءً يبداء يطافي وسط غابه ونباح كلاب ووردة ريحها فواح وارضً كل ابوها شوك طريقً امشيه حافي رعش جسمي وجاني خوف وقلبي من مكانه طاح وكني شايفاً كوخً بغرب النهر ضفافي جريت وشخص ناداني بصوتاً ناعماً بجراح يقولي ليش تاركني حبيبي ياالدواء الشافي ثلاثه شهور محبوسه خطفني مارداً سفاح فعل فيني جميع القبح جرح حسني وعفافي صبرت ايام على امالاً تجيني حامل المفتاح تفك اسري وكون معاك وجيك بثوب زفافي تبعت الصوت ووصلني طريقً ممتلي بشباح الين الورده الحمرا وصلت بشوق زحافي دهشت بمنظراً شفته بنيه حسنها مداح هنوفً تسحر الناظر جمال وصوت شفافي عرفت ان الورد لحمر بخده بالفتن سواح وشعر وخصر ميالً وردفً ملمسه صافي ومبسم يفقدك وعيك ونهداً بارزاً تفاح نسيت الخوف لي فيني وقربت بحب لهافي حلفت اني بكون معاه وشوفه بالهواء مرتاح وشلته من وسط لشباح مشيت الشوك انا حافي اناظر وين بانرسي سفن ماتشتهي لرياح ذكرت الكوخ ذي شفته بجمب النهر وقافي وصلت الكوخ وهيه تضحك بصوتاً للقدر صياح وكم شيطانه وجني عليا دور لفافي عرفت اني انا مخدوع رسم كذبه على للواح بكم كذبه اسر قلبي وقلبي دوم رهافي ذرف دمعه على خده ولاكن دمعة التمساح وكمن شخص بوجه الحب بيقدربك بالالافي صحيت من المنام ابكي بفجراًغاسقً صباح وقلم رسمي على يدي ولوحه لغزها وافي وقمت انظر على اللوحه وصحح كل خطا وضاح وحاول اظهر الفكره بشر الوردة الخافي ولونت الورد لحمر بلوناً اسود شحاح ورسمت بغصنها شوكه وشوكه عرضها جافي وجبت اسماً على اللوحه خرافات الهواء الذباح وشافوها كأابت شخص غدربه حب خطافي وقلت لهم قدربي شخص باعه بالهواء قباح له اسمين في قلبي غزى فكري بحرافي ويللي ناوياً تعشق انا لك بالهواء نصاح اذا تمشي طريق الصدق مداه بعيد نهافي واذا تكذب تراك تعيش وتجني بالهواء ارباح لئن الصدق هوه كذبه وكذب الحب هوه وافي تحياتي بقلم بكيل السلفي |
|
|
 |
|
|
العرض العادي
