حكايه حب

[روميساء]

حكاية حب


نامى فى حضن الروح

نامى ودفينى

محتاج انا حضنك

محتاج تضمينى

بيتك فى ننِّى العين

وغطاكى من رمشى

واغزل سنينى بُساط

وانتى عليه تمشى

لو قلتى يوم الآه

أو نمتى مجروحه

أفضل أقول الآه

طول مانتى مدبوحه

وان يوم حِزِنتى أموت

وازاى أعيش وانتى

بسمه فى قلب الموت

تِحْيينى يا بنتى


لو يوم تعاكسينى

بعمل قوام زعلان

علشان تصالحينى

واشبع عسل وحنان

وامَّا تلاعبينى

الكون يطير بينا

أنا ببقى مش عارف

الطفل مين فينا

وحَجَوِّزِك عندى

ياغاليه يا حبيبه

مانا أصْلى مش حقدر

أتحمل الغيبه

واللى حياخدك يوم

لازم يكون فارس

ياخدك على حصانه

ويكون أمين حارس


وسط البنات الحور

شفتك فى أحلامى

نايمه فى حضن النور

يا كل أيامى

وملايكةْ الرحمن

حواليكى بيدُوروا

يتغنوا بالقرآن

ويسبِّحوا بنوره

بدعى فى كل صلاه

يارب يحميكى

من شر خلق الله

من غدر لياليكى

زرعت فيكى الخير

والطهر والعفه

وحكون عليكى بصير

م اللفه للزفه

أول حروف غنِّت

فوق شفتك " بابا "

كان لحن ربانى

مش عود ولا ربابه

من يومها مش شايف

فى الدنيا غير بنتى

لو بس كان ينفع

أتجوزِك إنتى ...!


بحبك