تصحيح لخطأ شائع ... مصر لو فازت مش حتاخد اكتر من المركز السادس ..

[روميساء]

السلام عليكم ,,

للأسف انتشرت معلومة علي النت بان لو مصر لو فازت علي انجلترا باي نتيجة حتبقي في المركز الثالث او التاني ..

طبعا مفيش حاجة مستبعدة ..
اللي خلا مصر بنفس الفريق والمدرب يجاري البرازيل بجلاله قدرها لحد اخر دقيقة .. وقدرت تهزم ايطاليا بطلة العالم ..
وحتي لما لعبت مع البرتغال واسبانيا والارجنتين فازوا علينا بشق الانفس بنتيجة 2/0 ومصر اياميها كانت بتستهبل في الماتش .. يعني المستوي مش متفاوت جداا وفيه فرصه لمصر ايضا ..
وكرة القدم حاليا لم يعد فيها شيء مستحيل ..

المهم الجماعة اللي قالوا الكلام ده استندوا في ذلك الي حساب نقاط المباراة اللي حتكون تقريبا 573 نقطة .. وده حيخلي مجموع نقاط مصر 1642 نقطة وده يخليها طبقا للجدول ممكن تكون في المركز الثاني او احتمال تتصدر التصنيف كمان ..

ولو مصر اتعادلت ... نقاط مصر حتكون 1260 و ممكن تاخد المركز الرابع ..

الكلام ده فعلا صحيح فعلا مش احلام .. ممكن يحصل بس في حالة واحدة ..
اذا كانت بقية الفرق ما عندهاش ماتشات الشهر ده ..

انا دخلت علي موقع الفيفا ولاقيت ان الفرق الكبيرة عندها ماتشات كالاتي :
اسبانيا × فرنسا يوم 3/3
البرازيل × ايرلندا يوم 2/3
هولندا × امريكا يوم 3/3
المانيا × الارجنتين يوم 3/3
ايطاليا × الكاميرون يوم 3/3
البرتغال × الصين يوم 3/3

معني ذلك ان الفرق دي لو فازت حتحصل علي نقاط اضافية .. وبالتالي نقاط مصر مش حيكون ليها تاثير كبير ..
لذلك ممكن مصر فازت تاخد المركز السابع او السادس مثلا .. ولو اتعادلت ممكن تحافظ علي المركز العاشر ..


اتمني اني اكون صححت المعلومة ..
عشان الناس بعد 3 ايام ما تقعدش تقول الفيفا منحازة وظالمة وقوانينها مش عارف ايه .. الخ ..

وشكرا ليكم ,,