فوسط الحلم

[روميساء]

فـِ وسط الحلمـْ //
أقــول يارب صـَبّرني..و قدَّرني على حالي
ويــيجي فجأة على بالي
رســول الله
واحس بدمعتي الدافية على رمشي
من الشوق اللـِ جوايا..فـَ بتخيل أكون وياه
وتسرح بيا أفكاري كأني معاه
فـَ يِـِهْـدَى الحزن جوايا ويبقى شحيح
ويتـنطور فـِ عصف الريح
ولما القاه..بيتبَسِّم
أحس بنبض قلب جريح../ بيتكلم
ده نور الصبح هيشقشق على لِيلي
مفيش قسوة ولا تجريح
ومـِ الليلة..
على كراسة الأحزان هقول ممنوع
وهفتحها
وهشطب كل أحزاني وذكرى دموع
وراح اشخبط
وهرسم فرحه وأخطط
وافوق والفرحة واخداني
واقول يارب صبرني
وقدرني على حالي
وبتمنى
رسول الله فـِ أحلامي أشوفله رجوع
واقابل صُحبته تاني وابوس الإيد